تم قاتل ہو ملک و قوم کے قاتل
تم قاتل ہو ملک و قوم کے قاتل اس شخص کا نام حسن ناصر تھا۔ اس شخص کا بھی نو مئی یا جی ایچ کیو سے کوئی تعلق نہیں تھا۔ اس کا دہشتگردی کیخلاف جنگ سے بھی کوئی تعلق نہیں تھا۔ بلکہ اسے تو 1960 میں ہی مار دیا گیا تھا۔ شاہی قلعے کی دیواریں آج بھی اسکی چیخوں کی شدت سے گونجتی ہیں۔ اس پر اس قدر تشدد کیا گیا کہ اسکی ماں نے اسکی لاش کو پہچاننے سے انکار کردیا۔ حسن ناصر کو اسکی ماں نے وصول نہیں کیا تھا اور اسے لاہور کی ایک لاوارث قبر میں دفنا دیا گیا تھا۔ اس شخص کا جرم کیا تھا؟ کیا کوئی سیاسی نظریہ رکھنا بھی جرم ہوسکتا ہے؟ کیا کمیونسٹ ہونا بھی جرم ہے؟ بلکہ کمیونسٹ پارٹی آف پاکستان تو ان چند ایک جماعتوں میں سے تھی جنہوں نے 1946 کے انتخابات میں مسلم لیگ کے ساتھ اتحاد کیا۔ قیام پاکستان کی مہم کو اٹھایا۔ برعکس ان لوگوں کے جو کہتے رہے شکر ہے ہم پاکستان بنانے کے گناہ میں شامل نہیں تھے اور ان کی اولادیں آج تمہاری گود میں بیٹھی ہیں۔ تم آج کے قاتل نہیں ، تم نے صرف بنگلہ دیش میں نہتے لوگ نہیں ماررکھے ، تم شروع دن سے ، ہر اس جگہ جہاں تمہیں موقع ملا، تم وہاں قاتل ہو تم ملک و قوم کے قاتل !!!